Christmas tree ornaments, delikado - Ecowaste

MANILA, Philippines — Nagpaalala ang Ecowaste Coalition sa publiko sa pagbili ng mga  Christmas decorations dahil sa nadiskubreng may harmful substances ang mga plastic balls na ginagamit na dekoras­yon, bukod pa sa walang labeling information at warning.

Napatunayan ito ng grupo sa kanilang nabili na 60 Christmas plastic balls na may iba’t ibang kulay, disenyo, at sukat sa retail stores sa Divisoria sa Manila at Cubao sa Quezon City.

Sa 60 nasuri gamit ang handheld X-Ray Flourescence Analyzer, 57 ang nakitaan ng mataas na level ng Bromine, isang elemento ng chemical.

Payo ng grupo sa publiko na bumili lamang sa mga otorisadong pamilihan upang maiwasan ang anumang  sakuna at aksidente.