Bisor sinaksak ng kaalitan sa trabaho, dedo
MANILA, Philippines — Namatay noon din ang isang lalaking supervisor nang undayan ng sampung saksak ng kasama nito sa trabaho na may galit umano sa kanya, naganap, kamakalawa sa Caloocan City.
Sa ulat, sinabing aalis na sana ng kanilang opisina sa Llano ang biktima sakay ng motor nang salubungin ng kaniyang katrabaho at kapatid nitong lalaki at undayan ng mga saksak.
Ilang tao ang nakakita sa insidente ngunit hindi tinulungan ang biktima. Agad kumaripas ng takbo ang nanaksak na suspek.
Sinabi ng pulisya at katrabaho ng biktima na hindi bababa sa 10 saksak ang tinamo nito.
Nabatid na bago ang krimen ay nagkaroon ng pagtatalo ang dalawa nang sitahin ng biktima na isang supervisor ang suspek dahil sa umano’y nagpapabaya sa trabaho.
Patuloy ang pagtugis ng pulisya sa suspek at kapatid nitong humarang sa biktima.
- Latest
