Kelot binaril sa ulo ng 3 katao, dedo

MANILA, Philippines — Nasawi noon din ang isang 31-anyos na lalaki makaraan itong pagbabarilin nang malapitan sa ulo ng tatlong kalalakihan habang ang biktima ay naglalakad, kamakalawa sa Brgy. Molino 2, Bacoor City, Cavite.

Kinilala ng pulisya ang nasawing biktima na si Joshua Metre, residente ng Greenvalley, Brgy. Molino 2, Bacoor City, Cavite.

Nakilala naman ang tatlong suspek na sina alyas Roden; alyas Khalid; at alyas John.

Sa imbestigasyon ng pulisya, alas-2:30 ng madaling araw habang naglalakad pauwi ang biktima sa kanilang bahay nang harangin ng tatlong suspek at walang sabi sabing pagbabarilin sa ulo.

Nang bumulagta ang biktima ay mabilis na tumakas ang mga suspek tangay ang mga armas na gamit. Inalaam pa ng pulisya ang posibleng motibo ng insidente.