VP Sara: Ama at mga kapatid, kakandidato sa senado

MANILA, Philippines — Kinumpirma mismo ni Vice President Sara Duterte na tatakbo sa 2025 senatorial race ang kanyang amang si dating Pang. Rodrigo Duterte, at mga kapatid na sina Davao 1st District Rep. Paolo Duterte, at Davao City Mayor Sebastian Duterte.

Ginawa ni VP Sara ang kumpirmasyon sa isang ambush interview sa kanya sa Cagayan de Oro City.

“They are all rearing up to run. PRD for senator, my brother Paolo Duterte, currently a congressman, for senator, and Sebastian Duterte,” ayon kay VP Sara.

“Yes, that’s confirmed,” dagdag pa niya.

Kinumpirma rin naman ni VP Sara na target ni Mayor Duterte na tumakbo sa pagka-pangulo sa 2028 presidential race.