Roadworks gawin sa gabi - Marcos
Para iwas traffic
MANILA, Philippines — Para hindi makadagdag sa pagsisikip ng daloy ng trapiko sa mga lansangan ay ipinag-utos ni Pangulong Ferdinand “Bongbong” Marcos Jr. na gawin na lamang sa gabi ang lahat ng road work projects.
Ito ang sinabi ng pangulo sa Bagong Pilipinas Town Hall Meeting on Traffic Concerns sa San Juan na dinaluhan ng mga alkalde ng Metro Manila, mga opisyal ng gobyerno, mga kawani ng lokal na pamahalaan at iba pang stakeholders.
Sinabi ni Pangulong Marcos na hanggang maaari ang mga roadworks ay gawin sa gabi maliban sa mga tulay dahil magmamahal ito at dodoble ang oras na aantayin ito.
Paliwanag pa ng pangulo, ito ang mga stratehiya na dapat na suriin para mapaganda ang daloy ng trapiko at hindi mahirapan ang mga commuters at stakeholders at hindi rin maubos ang oras kahihintay ng sasakyan para makauwi lamang.
Inihalimbawa pa ng punong ehekutibo na kapag umuuwi siya ng alas-12:00 ng gabi ay marami pa siyang nakikita sa kalsada na naghihintay ng bus at hindi pa makauwi.
Kaya dapat anya na ma-improve ang sitwasyon kaya ginagawa ng gobyerno ang lahat para maresolba ang problema sa daloy ng trapiko sa bansa.
- Latest