Unconsolidated PUVs puwedeng pumasada hanggang Abril 30, kung rehistrado

MANILA, Philippines — Pinapayagang pumasada hanggang April 30, 2024 ang lahat ng unconsolidated public utility vehicles (PUV) pero dapat ay rehistrado sa LTO ang kanilang sasakyan at may existing Personal Passenger Accident Insurance Coverage.

Ito ang ipinaalala ni Land Transportation Franchising and Regulatory Board (LTFRB) Chairperson Teofilo Guadiz III dahil nakasaad anya sa Memorandum Circular 2024-001 ang guidelines sa  consolidation  sa panahon ng extension ay pinapayagan ang mga unconsolidated passenger vehicles operators na mag-operate hanggang sa consolidation deadline sa April 30.

Ang naturang memorandum ay nagtatakda rin ng guidelines para sa pagsasampa ng aplikasyon para sa consolidation na kaakibat ang mga documentary requirements at procedures.

Para sa mga rutang nakapaloob sa Local Public Transport Route Plan (LPTRP), pinapayagan ang consolidation sa kasalukuyang rationalized routes na walang consolidated entity noong December 31, 2023.