National Cyber Security Office, itatag

MANILA, Philippines — Magtatag na ng isang ahen­sya para protektahan at labanan ang anumang pag-atake ng mga hackers, o mas malala pa, ng mga cyber terrorists, sa mga computer at data systems sa bansa.

Ito ang hiniling ni House Deputy Majo­rity Floor Leader at ACT-CIS Cong. Erwin Tulfo sa pa­ma­halaan matapos ang sunud-sunod na pag-atake ng mga hackers sa mga computer data sys­tem at websites ng iba’t ibang ahensya ng pamahalaan tulad ng PhilHealth, Depart­ment of Information, Communication and Technology (DICT) at maging ng House of Re­pre­sentatives.

“Nakita natin na kung ga­ano ka vulnerable at helpless ang mga ahensya natin sa pag-atake ng mga hacker sa mga websites o mga computer files ng mga government agencies natin,” wika ni Tulfo.

“Bagama’t naayos naman ang problema after a few days, we want sana na ma-prevent ang mga prob­lemang ito bago pa ang mga pag-atake ng mga hackers na ito,” dagdag pa ni Tulfo.

Aniya, marami ng bansa ang nagtatatag na ng cyber security agency dahil online o digital na ang halos lahat ng transaction pati ang komunikasyon sa buong mundo.

Para kay Tulfo, ang ita­tag na cyber security office o agency ay may ka­ka­yahan na pangalagaan at protektahan ang mga digital files ng gobyerno laban sa mga pag-atake ng mga ordinaryong hackers at posibleng cyber terrorists.

Plano ni Tulfo na mag­hain ng isang panukalang batas para sa pagtatatag ng isang ahensya na labanan ang problemang ito at protektahan lahat tayo sa anumang cyber attack.