73-anyos na lola, itinumba sa Batangas
MANILA, Philippines — Hindi na umabot ng buhay sa ospital ang isang 73-anyos na lola nang barilin ng nag-iisang suspek sa madilim na bahagi ng kanyang bukirin sa Barangay Malagonglong, Lipa City, Batangas, kamakalawa.
Kinilala ni P/Lt. Col. Rix Villareal, Lipa police chief, ang biktima na si Rosario Abuyo, 73 na namatay habang dinadala sa, Lipa Medix Medical Center hospital dahil sa tama ng bala sa dibdib.
Sa ulat, nakaupo sa likurang bahagi ng nirentahang van na minamaneho ng isang Nelso Canobas ang biktima kasama ang anim na iba pang pasahero.
Hininto ni Canobas ang van at bababa ito upang kausapin ang nakabuntot sa kanila na isang pampasaherong jeep.
Nang buksan nito ang pinto ng van ay dumating ang isang motorsiklo at huminto sa tabi na kung saan ay bumunot ng baril at pinagbabaril nang malapitan ang walang kamalay-malay na biktima.
Patuloy ang imbestigasyon ng pulisya sa motibo nang pamamaslang sa biktima.
- Latest
