Murder case nina Bantag, Zulueta inarchive muna ng korte
MANILA, Philippines — Ipinatigil muna ng Muntinlupa Regional Trial Court Branch 206 ang kasong murder laban kina dating Bureau of Corrections Dir. Gen. Gerald Bantag, at dating BuCor Deputy Security Office Ricardo Zulueta habang hinihintay pang maaresto kaugnay sa pagkamatay ng isang preso sa New Bilibid Prison (NBP).
Nakasaad sa 7-pahinang desisyon ni Muntinlupa RTC Branch 206 presiding judge Gener Gito na dahil sa hindi pa naaaresto sina Bantag at Zulueta ay hayaan na ang kaso ay maipadala sa “archive” pero “subject to revival” kapag naaresto na ang dalawa.
Samantala, naghain ng “guilty plea” para sa mas mababang sentensya ang iba pang mga akusado sa kaso.
Ito ay ang persons deprived of liberty (PDLs) na sina Mario Alvarez, Christian Ramac alyas “Jokon”, Ricky Salgado alyas “Lupin,” Ronnie dela Cruz alyas “Barok,” at Joel Reyes alyas “Puppet” na naghain ng guilty plea bilang “accomplice of crime of murder,” habang “accessory to the crime of murder” ang PDLs na sina Alvin Labra, Aldrin Galicia, Joseph Georfo.
Sina Alvarez, Ramac, Salgado, Dela Cruz at Reyes ay sinentensyahan ng 6 na taon hanggang 14 na taon. Pinagbabayad din sila ng danyos.
Habang sina Labra, Galicia at Georfo ay 2-taon hanggang 8-taon kulong.
Inatasan din ang National Bureu of Investigation na ilipat sila Galicia, Alvarez, Ramac, Salgado, Dela Cruz at Reyes sa New Bilibid Prison o NBP.
Ang mga ito ang suspek sa pagpatay kay Jun Villamor, na sinasabing middleman sa pagpatay sa broadcaster na si Percy Lapid.
- Latest
