Fire volunteer tiklo sa higit P23 milyong droga
Sa Parañaque buy-bust
MANILA, Philippines — Arestado ang isang fire volunteer matapos masamsaman ng mahigit P23-milyong halaga ng shabu sa ikinasang buy-bust operation sa Parañaque City, kahapon ng madaling araw.
Kinilala ang suspek na si Jonnie Romo alyas “Han,” 41-anyos, isang fire volunteer na pinaniniwalaang sangkot sa malawakang pagpapakalat ng iligal na droga.
Sa ulat ng Southern Police District, dakong alas 2:50 ng madaling araw ng Mayo 27, 2023, nang madakip si Romo ng mga tauhan ng Parañaque City Police Substation 4, kasama ang Station Drug Enforcement Unit (SDEU), sa buy-bust operation na ikinasa sa Balimbing St., Phase 3, Olivarez Compound, Barangay San Dionisio, Parañaque.
Nakumpiska sa pag-iingat ng suspek ang ilang plastic na naglalaman ng shabu kabilang ang dalawang tea bags na may tatak na “GUAR YUN WANG,”. Nasa kabuuang 3,450 gramo ng shabu na may katumbas na P23,460,000.00 Standard Drug Price (SDP).
Narekober din ang ginamit na marked money na isang piraso ng P1,000 bill, at 139 piraso ng tigP1,000 na boodle money, digital weighing scale.
- Latest
