13 police checkpoints inilatag sa inagurasyon
MANILA, Philippines — Umaabot sa 13 checkpoints ang inilatag ng Manila Police District (MPD) sa iba’t ibang lugar at hangganan ng siyudad ng Maynila bilang bahagi ng ipinatutupad na seguridad sa inagurasyon ni President-elect Ferdinand Marcos Jr., ngayong araw.
Sa abiso ng MPD-Public Information Office, kabilang sa mga lugar na lalagyan ng checkpoints ang: Brgy 101 sa Mel Lopez Blvd; H. Lopez Blvd. sa Tondo; Juan Luna St. sa Tondo; Blumentritt malapit sa kanto ng Dimasalang St. sa Sta. Cruz; España Blvd. cor Blumentritt Extn.; at R. M. Blvd. corner Altura Street sa Sampaloc.
Maglalagay rin ng checkpoints sa: New Panaderos St., city limit sa harap ng MC Donalds; Rizal Avenue corner R. Papa; Lubiran bridge, Lubiran St., Bacood; Pinaglabanan bridge; Roxas Blvd., malapit sa kanto ng P. Ocampo St.; Taft Ave., Corner P. Ocampo; at 2nd street Brgy. 649 Baseco Compound, Port Area. Una nang nagpatupad ng pagsasara ng mga lansangan at pagtatatag ng mga traffic re-routing scheme ang Metropolitan Manila Development Authority (MMDA).
Maging sa mga miyembro ng media na magkokober ng inagurasyon ay naging mahigpit din dahil sa kinailangan pa ng akreditasyon at negatibong RT-PCR test.
- Latest