Skyway Stage 3, toll free pa rin

MANILA, Philippines — Hanggang hindi pa naisasapinal ng Toll Regulatory Board (TRB) ang panukalang toll rates ay maaari pa ring dumaan ng libre sa Skyway Stage 3 ang mga motorista.

Ayon kay TRB Spokesperson Julius Corpus, hanggat hindi pa nagbibigay ng pormal na pag-apruba ang TRB sa ipinapanukalang toll rates sa Skyway Stage 3 ay hindi pa rin maaaring singilin ng toll fee ang mga motoristang dumaraan doon.

Matatandaang nitong Enero ay binuksan na ng San Miguel Corporation (SMC) ang Skyway Stage 3 sa mga motorista at isang buwan itong ipinagamit ng libre.

Base naman sa obserbasyon ni Corpus ay malaki ang naitulong ng bagong bukas na skyway sa pagpapaluwag ng daloy ng trapiko sa EDSA dahil ang nasa  80,000 motorista na dating dumaraan sa EDSA ay dumaraan na ngayon sa Skyway Stage 3.