Ex-boldstar inaresto sa cyber libel
MANILA, Philippines — Dinakip ng mga operatiba ng Laguna Police ang dating bold star na si Keanna Reeves dahil sa reklamong cyber libel kahapon sa Quezon City.
Sa ulat, dakong alas-12:45 ng tanghali nang arestuhin si Reeves (Janet Derecho Duterte sa tunay na buhay) ng mga otoridad sa kahabaan ng #81 Timog Avenue kanto ng Scout Ybardoloza ng lungsod sa bisa ng warrant of arrest na inisyu ni Judge Maria Florencia Baculo ng Regional Trial Court (RTC) Branch 34, Calamba City, Laguna nitong Nobyembre 7, 2018 at may inilagak na piyansang P 20,000.00.
Si Reeves ay sinampahan ng kasong cyber libel ng negosyanteng si Nancy Dimaranan dahilan umano sa paninira at pang-aalipusta nito sa kanya sa social media partikular na sa facebook.
Desidido si Dimaranan na ipursige ang kaso laban kay Reeves na nakilala niya noong 2013 matapos itong mag-perform sa Komikera Bar sa Calamba City, Laguna.
Si Reeves ay naging big winner sa Pinoy Big Brother ng ABS-CBN noong 2006.
- Latest
