Budol-budol strikes again, doktora natangayan ng P.7 milyon
MANILA, Philippines — Nanlulumong dumulog sa tanggapan ng Manila Police District (MPD) ang isang 80-anyos na doktora matapos matangayan ng P700,000 halaga ng alahas at cash, sa loob ng isang kilalang mall sa Arrocerros St., Ermita, Maynila, kamakalawa ng hapon.
Sa reklamong inihain ni Dra. Teresita Castillo, biyuda at residente ng Benitez, Malate, Maynila, tatlong babae at isang lalaki ang mga suspek na nambiktima sa kanya dakong ala1:30 ng hapon kamakalawa.
Namamasyal umano siya loob ng mall sa nasabing lugar nang lapitan siya ng mga suspek at kinaibigan hanggang sa namalayan na lang niya na naibigay na niya sa mga suspek ang diamond earings, gold ring, wristwatch na may diamond, cellphone at ang P100,000. cash.
Nang mahimasmasan ay saka nagpasiyang dumulog sa pulisya.
- Latest
