Guro dedo, 6 sugatan sa banggaan
MANILA, Philippines — Isang 50-anyos na guro ang nasawi habang 6 ang nasugatan matapos na magbanggaan ang isang tricycle at kasalubong na motorsiklo kamakalawa sa kahabaan ng highway ng Brgy. Magsaysay, Bagamanoc, Catanduanes.
Ang biktima na idineklarang dead on arrival sa ospital ay kinilalang si Olivia Vitalicio, guro sa high school.
Nilalapatan ng lunas sa pagamutan ang mga nasugatan na sina Frederick Tillerba, 44, driver ng Suzuki 125 tricycle at mga sakay nitong sina Bianca Tillerba, 8; Marissa Tillerba, 48, guro sa high school; Cherry San Jose, 35; Cherryl Vistal, 39; pawang guro sa elementarya; Erwin Tranqueña, 25, backhoe operator at driver ng motorcycle.
Sa ulat, bandang alas-5:30 ng hapon nang mangyari ang banggaan sa pagitan ng motorsiklo ni Tranqeña at ang Suzuki 125 tricycle na minamaneho naman ni Tillerba sa highway.
Sa lakas ng pagkakabangga ay natanggal ang bubungan ng tricycle at bumaliktad sa insidente na malubhang ikinasugat ng mga sakay nito habang nagtamo rin ng matinding sugat ang driver ng motorsiklo nang tumilapon sa kalsada.
- Latest
