Medrep nangmanyak sa van, huli
MANILA, Philippines — Sa kulungan ang bagsak ng isang manyak na medical representative matapos niyang hindi napigilan ang kanyang kamunduhan makaraang gumawa ng kalaswaan hanggang sa makaraos sa loob ng isang bumibiyaheng van sa Brgy. Maddarulug, Solana, Cagayan noong Biyernes.
Sa ulat ng PNP Solana, napansin ng 28-anyos na biktimang itinago sa pangalang ‘Remedios’ ang pagyanig sa kanyang likuran ni Sonny Boy Pacursa, 31-anyos na taga-bayan Lasam at nagkatitigan pa sila nito.
Ayon sa report, matapos makaraos ay ipinunas umano ni Pacursa ang basang kamay sa laylayan ng buhok ng biktima. Tiyempo namang may nakita si Remedios na mga pulis na nagpapatrulya na kanya namang agad na hiningan ng tulong na nagresulta sa pagkakaaresto kay Pacursa.
Nahaharap na ngayon ang manyak na si Pacursa sa kasong Acts of Lasciviousness.
- Latest
