Auditor ng HOA pinatay
MANILA, Philippines — Pinasok ng hindi pa kilalang lalaki ang bahay ng isang opisyal ng home owners association (HOA) at pinagbabaril kamakalawa ng gabi sa Quezon City.
Ang biktima na nasawi noon din ay nakilalang si Maria Theresa Malaraya Paa, 57, may-asawa, auditor ng HOA at residente ng No. 2 Livelihood St., Area C, Talanay, Brgy. Batasan Hills.
Sa salaysay ng isang Leonila Malabanan, dakong alas-7:00 ng gabi habang siya ay nanonood ng telebisyon nang makarinig nang sunud-sunod na putok ng baril na nagmumula sa bahay ng biktima.
Kaya’t lumabas siya at pinuntahan ang bahay ng biktima at dito ay nakita niyang duguang nakabulagta at wala na ang namaril.
Agad namang ipinagbigay alam ni Malabanan ang nasabing krimen sa kanilang barangay na siya namang nag-report sa pulisya.
Malaki ang hinala ng mga otoridad na may kinalaman sa pagiging opisyal ng biktima sa HOA ang motibo sa naganap na krimen.
- Latest
