3 kelot utas sa vigilante
MANILA, Philippines - Magkakasunod na pinagbabaril at napatay ang tatlong lalaki na kagagawan umano ng vigilante group sa Caloocan City, kamakalawa at kahapon ng madaling araw.
Kinilalang ang mga nasawi na sina Jonathan Gabarda, 26, alyas “Jojo”, obrero, ng Brgy. 178 Camarin; Errol Pedelos, alyas “Popong”, tricycle driver ng Brgy. 176, Bagong Silang at Nicodemus Ampuan, 49, ng Brgy. 20, Kaunlaran Village.
Sa ulat, dakong ala-1:40 ng madaling araw nang pagbabarilin si Gabarda sa may Avocado Street, Brgy. 178 ng mga suspek na sakay ng motorsiklo.
Ayon sa tiyuhin ng biktima sa pulisya, sangkot umano sa illegal drugs ang pamangkin.
Dakong alas-8:20 ng gabi nang paslangin ang biktimang si Pedelos nang ito’y harangin habang namamasada ng kanyang tricycle ng apat na salarin na sakay ng dalawang motorsiklo at walang kaabog-abog na pagbabarilin.
Kahapon naman ng madaling araw nang barilin at mapatay ng mga nakamaskarang lalaki sa loob ng kanyang bahay si Ampuan.
- Latest
