Binata nag- bomb joke dinakip

MANILA, Philippines - Isang 25-anyos na binata ang inaresto ng mga otoridad matapos nitong magbiro na may dala siyang limang kilong bomba na sasabog na umano sa Cebu South Bus terminal sa kahabaan ng N. Bacalso Avenue, Cebu City kahapon ng umaga.

Kinilala ang nasakoteng suspek na Joel Guillena, residente ng Miputak, Dipolog City   na isang lokal na turista sa lugar.

Kasalukuyang sumasailalim sa security check sa nasabing bus terminal ang suspek nang magbiro ito na ikinalikha ng matin­ding pagkatakot  sa mga pasahero sa nasabing terminal.

Sa ilalim ng batas sinumang lumabag sa Presidential Decree 1727 o masangkot sa bomb joke o maling impormasyon sa bomba o anumang uri ng eksplosibo ay may katapat na kaparusahan ng batas.