Korean inutas sa harap ng lover

MANILA, Philippines - Isang Korean national ang pinagbabaril habang kaharap ang live in partner ng hindi pa nakilalang salarin sa Baguio City kamakalawa.

 Ang biktima na namatay noon din ay kinilalang si Jeon Jun Seo alyas Henry Seo, 51, aktibong creditor at naninirahan sa Dreamland Subdivision Pico,  La Trinidad, Benguet. Habang nasugatan ang live-in nitong si Kris Joy Dischoso Jerez nang tamaan ng ligaw na bala.

Batay sa ulat, bago nangyari ang krimen dakong alas-7:00 ng umaga sa kahabaan ng Upper Pinget, Baguio City ay kasama ng Koreano ang live-in partner na si Jerez sa loob ng  Honda CRV (WRK-107) na minamaneho ng una at papauwi na sa kanilang bahay nang pagbabarilin ng suspek na tumakas nang makita na napuruhan nito ang biktima.