5 preso pumuga

MANILA, Philippines – Tinutugis ngayon ng mga otoridad ang limang preso makaraan tumakas ang mga ito sa kanilang detention cell sa himpilan ng Mataas na Kahoy Municipal Police Station (MPS) Batangas kahapon ng madaling araw.

Ang mga pumugang preso ay  sina Nikko Rafael Malaluan, 27, may kasong illegal drugs at illegal possession of firearms and ammunition, direct assault upon an agent of authority; Erwin Kalalo, 32, may kasong rape; Roy Jasper Gonzales, 32, illegal drugs; Marjun Villaluz, 21 at kapatid nitong si James, 15; pawang nahaharap sa kasong robbery.

Sa ulat, naganap  ang pagtakas sa pagitan ng alas-2:30 hanggang alas-4:00 ng madaling araw.

Nabatid na ninakaw ng menor de edad na Villaluz ang susi ng padlock.