3 miyembro ng news team ligtas sa ambush
MANILA, Philippines – Tatlong miyembro ng news team ng ABS-CBN ang nakaligtas sa tiyak na kamatayan matapos na tambangan ng riding-in-tandem gunmen sa Barangay Bangolo, Marawi City sa Lanao del Sur noong Sabado ng hapon.
Sa police report na isinumite sa Camp Crame, kinilala ang mga biktima na sina Ronnie Enderes, reporter ng ABS-CBN-Iligan City; Garie Montesillo, driver; at si Emilito Balansag, cameraman ng nasabing istasyon.
Sa inisyal na imbestigasyon, naitala ang pananambang bandang alas-12:30 ng hapon kung saan sakay ang mga biktima ng Ford Pick up (WMV-435) at pabalik ng Iligan City mula Ramain, Lanao del Sur matapos ang coverage sa pagpapasabog sa isang National Grid Corporation of the Philippine (NGCP) tower sa Brgy. Linamon.
Wala namang nasugatan sa mga biktima na nagpasyang magtungo sa Camp Ranao ng 103rd Brigade ng Phil. Army para sa kanilang kaligtasan.
Sa pagsisiyasat sa crime scene, narekober ang dalawang basyo ng bala ng cal.45 pistol.
- Latest
