Tambay patay sa saksak

MANILA, Philippines – Isang lalaki na nakatambay ang sinaksak ng hindi pa kilalang salarin kamakalawa ng gabi sa Binondo, Maynila.

Ang biktima ay kinilala sa alyas “Dexter Sunog”, tinatayang nasa 18-20 taong gulang, nakatira sa gate 46, Area-B, Parola Compound, Tondo.

Sa ulat, dakong alas-8:45 ng gabi ay nakita ng ilang residente na tumatakbong duguan ang biktima sa Juan Luna St., patungong C. M. Recto at isang sandali ay bumuwal na ito.

Ang biktima ay nagtamo ng maraming saksak sa iba’t ibang bahagi ng katawan.