3 NPA rebels todas sa bakbakan
MANILA, Philippines - Napatay ang tatlong miyembro ng mga rebeldeng New People’s Army (NPA) nang makasagupa ang tropa ng Philippine Army sa Juban, Sorsogon kahapon ng umaga.
Sa ulat, dakong alas-5:40 ng umaga ay nagsasagawa ng security patrol ang mga elemento ng Army’s 31st Infantry Battalion (IB) upang tiyakin ang kaligtasan ng mga doktor kaugnay sa isinasagawang medical mission sa Sitio Baybay, Brgy. Tinago nang makasagupa ang grupo ng mga rebeldeng komunista na pinamumunuan ng isang Andres Hubilla, na may alyas na Ka Magno, Bunso at Carlo.
Agad nagkaroon ng bakbakan sa pagitan ng magkabilang panig na ikinasawi ng tatlong rebelde habang dalawang sundalo ang nasugatan.
Narekober sa pinangyarihan ang tatlong bangkay ng napatay na rebelde, matataas na kalibre ng mga armas, dalawang laptops, pitong backpack na naglalaman ng mga personal na kagamitan at mga subersibong dokumento.- Joy Cantos-
- Latest
