2 helper na nagdo-droga ipinahuli ng amo
MANILA, Philippines – Natuklasang gumagamit ng shabu ay ipinaaresto ng isang amo ang dalawa niyang truck helper kahapon ng umaga sa Barangay San Miguel, Pasig City.
Ang mga suspek ay kinilalang sina Ronel Tolentino at Jomel Canada, kapwa nasa hustong gulang, kapwa helper ng Cruz Mar Trucking na matatagpuan sa Block 2, Lot 11, Eusebio Avenue sa Barangay San Miguel.
Batay sa ulat, dakong alas-10:00 ng umaga nang maaktuhan ng may-ari ng trucking company na si Jessie Cruz ang dalawa na gumagamit ng shabu.
Humingi ng tulong si Cruz sa pulisya na arestuhin ang mga suspek dahil sa loob pa ng kanilang tanggapan ito gumagamit ng illegal na droga.
Kaagad namang nagsagawa ng operasyon ang mga otoridad na nagresulta sa pagkakaaresto ng mga suspek at nakumpiska ang dalawang sachet ng shabu at drug paraphernalias.
Ipaghaharap ng kasong paglabag sa Republic Act 9165 o Dangerous Drugs Act.
- Latest
