Indian trader niratrat ng tandem
MANILA, Philippines – Nakikipaglaban kay kamatayan ang 42-anyos na negosyanteng Bumbay matapos itong pagbabarilin ng riding-in-tandem assassins sa bahagi ng San Andres Bukid sa Maynila, kamakalawa ng gabi.
Kasalukuyang nasa Manila Doctors Hospital ang biktimang si Sonu Kumar, may ari ng Anmol Indian Groceries sa Apacible Street sa Paco, Maynila at nakatira sa Zafiro Street sa San Andres Bukid.
Sa imbestigasyon ni SPO2 Joseph Arbis, sakay ng traysikel ang biktima at dalawa nitong tauhan na sina Robert Tuco, Carmen Castillo.
Unang bumaba sina Tuco at Castillo kung saan nagpahatid naman sa kanyang bahay si Kumar subalit sinundan ito ng riding-in-tandem gunman saka niratrat.
Bumagsak na sa kalye ang biktima subalit ilang ulit pa itong pinaputukan bago tumakas ang tandem.
Gayon pa man, walang tinangay sa biktima na pinaniniwalaang alitan sa negosyo ang isa sa motibo sa pamamaril.
- Latest
