Ex-judge natupok sa sunog
MANILA, Philippines – Isang dating huwes ang nasawi nang ito ay matupok sa loob ng nasusunog niyang bahay kahapon ng madaling araw sa Brgy. Quiot, Cebu City.
Kinilala ng nasawing biktima na si Delfin Decierdo, 76, dating judge sa Sibunga Municipal Trial Court sa lalawigan ng Cebu.
Batay sa ulat mahimbing na natutulog ang biktima sa silid ng kanyang bahay sa Honeyville 2, Brgy. Quiot ng lungsod nang magkaroon ng sunog bandang alas-4:00 ng madaling araw.
Nabigong makalabas ng kaniyang bahay si Decierdo dahilan ang silid nito ay katabi ng kaniyang mini-chapel na kung saan narinig pa ng mga kapitbahay ang paghingi nito ng tulong.
Hindi na nagawang saklolohan ng mga kapitbahay ang biktima dahilan nababalutan na ng apoy ang buong kabahayan.
Naapula ang apoy dakong alas-4:35 ng madaling araw at pinaniniwalaan na ang isang kandila na naiwang nakasindi sa altar ng mini chapel sa sala ni Decierdo ang pinagmulan ng sunog.
- Latest
