2 miyembro ng extortion group napatay

MANILA, Philippines - Napatay ng mga sundalo ang dalawang lalaki habang nasugatan ang tatlo nitong kasama kabilang ang lider ng isang extortion group sa naganap na shootout kahapon sa SK Pindatun Avenue,Cotabato City, Maguindanao.

Sa ulat na natanggap ni Cotabato City director S/Supt. Rex Anongos, nakilala ang mga nasawing suspek na sina Amina Adam at Roland Kabatuan habang ang nasugatan at naaresto si Robin Montes alyas Kumander Black Moro na lider ng extortion group sa Cotabato City at Maguindanao.

Batay sa ulat naaktuhan ng mga nagpapatrulyang mga tauhan ng 5th Special Forces Battalion Philippine Army ang mga suspek na puwersahang nangongotong sa mga tao sa lugar at nang pinasusuko ay pinaputukan ang mga sundalo na nauwi sa barilan.

Tumagal ng 20 minuto ang palitan ng putok ng magkabilang panig hanggang sa mapatay ang dalawang suspek.