Bagong pangulo ng PDP-Laban sa Quezon, itinalaga

MANILA, Philippines – Si dating Gov. Eduardo T. Rodriguez ang itinalaga bilang bagong pangulo ng partidong PDP-Laban sa lalawigan ng Quezon.

Ito ang inihayag ni da­ting DOTC Usec. at ngayon ay PDP-Laban Secretary General Gene Mamondiong sa joint ge­neral assembly ng MRRD-NECC-PDP-Laban na idinaos sa Queen Margarette Hotel sa Lucena City.

Tinanggap naman ng taos-puso ni Rodriguez ang pagkakatalaga sa kanya at sinabing siya’y isang ma­buting sundalo at na­ngakong gaganapin ang kanyang tungkulin na may kaakibat na responsibilidad.
Sinabi ni  Mamondiong, ang pagkakatalaga sa da­ting gobernador sa posis­yon ay mahalaga para sa nalalapit na halalan sa bansa at isang malaking hakbang sa pagpapalakas ng partido sa lalawigan.