3 dedo sa pamamaril

MANILA, Philippines – Nasawi ang tatlong katao matapos na sila ay pagbabarilin habang sakay ng tricycle at kotse ng mga suspek kamakalawa ng gabi sa Antipolo City, Rizal.

Ang mga nasawi ay kinilalang sina Aziz Camama, 24, tricycle driver, ng Sitio Kamias, Barangay Sta. Cruz; Saipoden Datu, 12, ng Phase-4, Barangay Dela Paz at Eduardo Ortiz, 82, ng Forest Residential State, Barangay Inarawan, pawang sa Antipolo City.

Inilarawan ng mga saksi na tatlong lalaki na nakasuot ng jacket ang namaril sa mga biktima.
Sa inisyal na imbestigasyon ni SPO1 Herbert Gilligan bago nangyari ang pamamaril dakong alas-6:50 ng gabi nang nangyari ang pamamaril sa Forest Hills Subdivision, sa Barangay Bagong Nayon sa Antipolo City ay lulan ng isang Toyota Innova si Ortiz kasama ang kanyang
pamilya habang minamaneho naman ni Camama ang kanyang tricycle lulan si Datu nang bigla na lang sumulpot ang mga suspek at pinagbabaril ang mga biktima sa hindi pa matukoy na kadahilanan. Blangko pa ang pulisya sa motibo ng krimen.