Grade 4 pupil nalunod sa Marikina River
MANILA, Philippines - Isang grade 4 pupil ang nasawi matapos na malunod habang lumalangoy kasama ang tatlong kaibigan sa Marikina River, Marikina City kahapon
Batay sa ulat, dakong alas-2:10 ng hapon nang makuha ang bangkay ni John Cedrick Gernale, 11, sa nasabing ilog.
Batay sa ulat, ang biktima na residente ng Block 16, Balubad, Barangay Nangka, kasama ang tatlong kaibigan ay nagkayayaan na maligo sa ilog paglabas nila sa eskwelahan dakong alas-4:00 ng hapon.
Habang nagsisilanguyan ay bigla na lamang nawala si Gernale at hindi na lumutang pa.
Nabatid na lumalim ang ilog dahil sa ginagawang dredging. Agad namang sinabi ng tatlong kaibigan sa magulang ng biktima ang insidente.
Nagsagawa ng search and rescue ang mga otoridad sa lugar at narekober ang katawan ni Gernale sa likod ng Nangka High School na ilang metro ang layo mula sa lugar na kung saan ito nawala.
- Latest
