2 turistang Hapones ninakawan ng taxi driver
MANILA, Philippines - Dalawang turistang Hapones na katatapak pa lamang sa lupa ng bansa ang nadale ng sinakyang taxi driver na tumangay ng kanilang bagahe sa Malate, Maynila, kahapon ng madaling araw.
Sa reklamo na inihain kay PO3 Jay Jacob ng Manila Police District-General Assignment and Investigation Section, kinilala ang mga biktimang sina Kawashina Yuki, 29; at Shingo Kumagawa, 28, mga nakatira sa Konagawa, Japan.
Natangay sa dalawa ang kani-kanilang backpack kung saan hindi naman nakuha ang numero ng plaka ng taxi na humarurot mula sa harapan ng Sogo Hotel sa nasabing lugar.
Nabatid na nagpahatid ang mga biktima sa nasabing hotel mula sa Ninoy Aquino Internati onal Airport (NAIA).
Nang bumaba ang dalawa ay mabilis na pinasibad ng taxi driver ang sasakyan kaya hindi na nila nakuha ang iba pang dala-dalahan kabilang ang dalawang malalaking bag.
Kabilang sa mahalagang gamit na natangay ang Galaxy Note Edge, camera at iba’t-ibang lenses bukod sa mga personal na gamit.
- Latest
