MANILA, Philippines - Dead on the spot ang isang mag-asawa matapos na sila ay harangin at pagbabarilin ng mga armadong kalalakihan na umano’y mortal na kaaway ng kanilang pamilya habang patungo sa kanilang bukirin sa Brgy. Balas, Labason, Zamboanga del Norte.
Ang mga nasawing mag-asawa ay kinilalang sina Elpedio Masibay, 50 at misis nitong si Merlyn Masibay; 48 na kapwa tadtad ng tama ng bala ng garand rifle sa iba’t ibang bahagi ng katawan.
Batay sa ulat, dakong alas-10:15 ng umaga ay patungo ang mag-asawa sa kanilang bukirin nang harangin ng mga armadong suspek at pagbabarilin.
Natukoy naman ang mga suspek na mula sa grupo ni Omar Arasi alyas Sapii na mabilis na tumakas matapos ang insidente.
Narekober naman ng mga otoridad ang 30 piraso ng basyo ng bala ng garand.