Rolito Go, hindi mabibigyan ng clemency - DOJ

MANILA, Philippines – Binigyang-diin ni Justice Secretary Leila de Lima na  hindi mabibigyan ng cle­mency  ang  convict na si Rolito Go.

Ito ay dahil hindi kasama ang pangalan ni Go sa kanyang mga inirekomendang pangalan ng mga preso kay Pa­ngulong Noynoy Aquino na ma­bigyan ng   pardon dahil kinakailangan na matatanda at may malubhang sakit na preso ang mga dapat na kandidato sa clemency na aaprubahan ngayong linggo.

Hindi naman maibigay ni de Lima ang bilang ng mabibigyan ng clemency dahil ayaw nilang pangunahan ang desisyon ni PNoy.

Gayunman, tiniyak nito na hindi ito ang hu­ling batch ng mga preso na maaaring mabigyan ng clemency. Kailangan lamang na unti-unti ang pagsusumite ng listahan.