10 tinamaan ng ligaw na bala
MANILA, Philippines – Umakyat na sa 10 katao ang tinamaan ng ligaw na bala kaugnay ng pagsalubong sa Bagong Taon.
Ito ang ipinahayag ni Chief Supt. Wilben Mayor, Chief ng PNP Public Information Office na base sa monitoring at mga insidenteng nairereport sa PNP mula Disyembre 16 hanggang dakong alas-8:00 ng umaga nitong Disyembre 31.
Kabilang naman sa naging biktima ng ligaw na bala ay isang buntis na ginang na kinilalang si Maricel Luna ng San Jose, Batangas; 7-anyos na batang lalaki na kinilalang si Isaac Gabriel Ruda na nadaplisan ng bala sa ulo sa Lumban, Laguna noong Disyembre 28, 2014 na ipinutok ng jailguard na si Mario Cortez na agad naaresto.
Sa sampung insidente ng tinamaan ng ligaw na bala ay tatlo rito ay nairekord ng NCRPO, apat sa Police Regional Office (PRO) IVA, at tig-isa naman mula sa PROVI, PROVII at PROVIII.
- Latest
