Isko siniko, dinuraan ng Sudanese

MANILA, Philippines – Kalaboso ang isang Sudanese na isang pilotstudent dahil sa rekla­mong jaywalking, grave threat at assault person in authority matapos umalma sa mga traffic enforcer at duraan pa si Manila Vice Mayor Isko Moreno.

Sa ulat, dakong alas-6:00 ng gabi noog Martes nang tumawid si Ambro Abood Hassan Eltayeb sa panulukan ng Roxas Boulevard at Pedro Gil kung saan nagmamando   ng traffic si Moreno.

Nang sitahin umano dahil hindi ito dapat tumawid ay nagwala ang dayuhan at lalong nanatili sa gitna ng kalye.

Paglapit ni Moreno ay siniko siya ng dayuhan kaya tumawag na ng traffic enforcers at pinahuli.

Nang dalhin sa presinto ay galit na dinuraan si Moreno sa likod.