4,835 most wanted na kriminal nasilo
MANILA, Philippines – Sa pagtatapos ng taong 2014 ay iniulat ng pamunuan ng PNP-Criminal Investigation and Detection Group (PNP-CIDG) na umabot sa 4,835 most wanted criminal ang kanilang naaresto sa mga isinagawang operasyon sa iba’t ibang lugar sa bansa.
Ito ang inihayag kahapon ni PNP-CIDG Chief P/Director Benjamin Magalong base sa year end report na isinumite nito sa tanggapan ni PNP Officer in Charge P/Deputy Director General Leonardo Espina.
Ang nasabing bilang ng mga most wanted ay nasakote mula Enero hanggang Disyembre 27 ng taong ito habang patuloy naman ang Oplan Lambat Sibat laban sa mga most wanted na tinutugis ng batas.
Ang mga nasakoteng most wanted sa taong ito ay higit na mataas ng 38%kumpara sa naitalang 3,497 mga most wanted na kriminal noong 2013.
Kabilang sa mga naaresto ay mag-asawang Benito at Wilma Tiamzon na pawang lider ng Communist Party of the Philippines na kapwa may patong sa ulong tig P10M bawat isa na nasakote noong Marso 22, 2014 sa Carcar City, Cebu.
- Latest
