Ambush: 3 katao todas
MANILA, Philippines – Isang sasakyan na bumabagtas sa highway ng Brgy. Lower Salbu, Datu Saudi Ampatuan, Maguindanao ang pinagbabaril na ikinasawi ng tatlong katao kamakalawa ng gabi.
Sa ulat ni Captain Jo-ann Petinglay, Spokesperson ng Army’s 6th Infantry Division (ID), dakong alas-7:30 ng gabi ay lulan ang mga biktima ng Toyota Corolla (TEM-896) at patungo ng bayan ng Datu Piang nang tambangan ang mga ito sa harapan ng Pendelilang Elementary School ng mga hindi pa kilalang suspek.
Nang masigurong patay na ang mga biktima ay mabilis na tumakas ang mga suspek sakay ng motorsiklo patungo sa direksyon ng Brgy. Kitango ng bayang ito.
Sa pagresponde sa lugar ng elemento ng Army’s 2nd Mechanized Infantry Battalion at ang lokal na pulisya ay narekober ang bangkay ng mga biktima na kinabibilangan ng dalawang lalaki at isang babae na patuloy na inaalam ang mga pangalan.
- Latest
