Paskong sunog sa Makati at QC

MANILA, Philippines - Kalungkutan ang sumalubong sa ilang pamilya sa Makati at sa Quezon City matapos na masunog ang kanilang mga bahay kahapon.

Sa ulat, dakong alas-2:25 ng madaling araw nang masunog ang ilang kabahayan sa Balagtas St., Barangay West Rembo, Makati City nang madamay sa nasusunog na bahay ng isang Gloria Calimag.

Halos mag-iisang oras bago naapula ang apoy at walang naiulat na nasu­gatan o nasawi.

Nasunog naman ang 4 palapag na commercial residential na ginagawang imbakan din ng electrical supplies kahapon ng alas-5:55 ng umaga.

Ang nasunog na gusali ng Supertop Trading Inc., ay matatagpuan sa E. Porto St., Brgy. San Francisco del Monte, na pag-aari ng isang Ramon Sy, 53.

Umabot naman sa ikaapat na alarma ang sunog bago ito tuluyang naapula ganap na alas 6:05 ng umaga.