Pabrika ng fish cracker nasunog

MANILA, Philippines – Isang pabrika ng fish cracker sa Valenzuela City ang nasunog kamakalawa ng gabi.

Batay sa ulat ng Valenzuela City-Bureau of Fire Protection (BFP) dakong alas-7:00 ng gabi nang bigla na lamang sumiklab ang apoy sa malaking pugon na may lamang mantika na pinaglulutuan ng mga fish cracker sa loob ng Suntory Industrial Marketing Corporation na pag-aari ng isang William Chua na matatagpuan sa Maysan Road, Barangay Maysan.

Mabilis na kumalat ang apoy hanggang sa madamay ang katabing bodega na imbakan naman ng mga de latang produkto at mga pansit.

Idineklarang fire out alas-12:40 ng mada­ling araw at tinatayang nasa  P5 milyong halaga ng mga ari-arian ang nasunog.