Bebot binistay ng bala kritikal
MANILA, Philippines - Agaw-buhay ngayon ang isang babae nang walang habas na pagbabarilin ng hindi pa nakilalang motorcycle rider sa Brgy. Tabing Dagat, Bacoor City, Cavite kahapon ng madaling araw.
Ang biktima ay nakilalang si Angelina Grive, residente ng Fortofino Heights, Brgy. Molino III ng lungsod na ito.
Patuloy na isinasalba ang buhay ng biktima sa Crisostomo Hospital sa Bacoor City sanhi ng mga tinamong tama ng bala ng cal. 45 pistol sa iba’t-ibang bahagi ng katawan.
Sa imbestigasyon ng pulisya, dakong ala-1:10 ng madaling-araw nang biglang pagbabarilin ang biktima ng mga di kilalang suspek sakay ng pulang motorsiklo na walang plaka, habang ito ay papatawid sa nasabing highway at malapit sa St. Michael Church.
Matapos ang insidente ay mabilis na tumakas ang mga suspek habang isinugod naman sa nasabing ospital ang biktima ng mga sumaklolo dito.
Sinabi ni Estolano na kasalukuyan pang iniimbestigahan ng mga awtoridad ang motibo ng pamamaril sa biktima.
- Latest
