5 tinodas sa droga
MANILA, Philippines – Ang umano’y onsehan sa droga ang dahilan ng pagpatay sa limang katao na kinabibilangan ng tatlong Guest Relation Officer (GRO) nang pagbabarilin ng hindi pa kilalang mga suspek kamakalawa sa Tacurong City, Sultan Kudarat.
Ang mga nasawing GRO ay kinilalang sina Rhea Ramirez, ng General Santos City; Joan Mamon, ng Columbio, Sultan Kudarat at Regine Dalogdog; tricycle driver na sina Felix Rodrigo at Manuel Rafael Jr; kapwa residente ng lungsod.
Sa ulat, bandang alas-4:00 ng madaling araw nang matagpuan sa gilid ng kalsada sa Purok Masagana, Brgy. New Lagao ang bangkay ng mga biktima na pawang tadtad ng mga tama ng bala ng cal 9 MM pistol sa katawan.
Lumilitaw sa imbestigasyon na nagtungo sa lugar sina Dalogdog sakay ng tricycle nina Rodrigo at Rafael dahilan may bibilhin ang mga ito nang tambangan ng mga armadong kalalakihan pagsapit sa lugar.
May hinala ang pulisya na may kinalaman sa droga ang krimen dahilan ang Brgy. New Lagao ay kilalang talamak na bentahan ng bawal na gamot sa lungsod.
- Latest
