Bagong gusali sa QC ipinangalan sa namayapang Phivolcs chief

MANILA, Philippines - Isang kauna-unahang gusali ng disaster risk reduction management na matatagpuan sa Quezon City ang ipinangalan kay dating  Philippine Institute of Volcanology and Seismology (PHIVOLCS) Director Raymundo Punongbayan.

Ito ay makaraang lagdaan ni QC Mayor Herbert M. Bautista  ang isang ordinansa na naglalayong ipangalan ang  Quezon City DRRM Command Center kay  Director  Punongbayan  bilang pagkilala sa naging mahusay nitong pagseserbisyo at dedikasyon sa pagtulong sa mamamayan noong pinuno pa ito ng Phivolcs.

Si Punongbayan ay nagsilbing director ng Phivolcs mula taong 1983 hangang 2002 at noong panahon ng kanyang panunungkulan ay naipakita nito ang matinding pagtulong at pagkakaloob ng tunay na serbisyo sa mga nagdaang kalamidad sa bansa laluna noong 1990 Luzon earthquake at ang  1991 Mt. Pinatubo eruption.

Inaatasan din ng ordinansa ang  QC engineering department at ang  cultural and tourism department  na maglagay ng marker at magpatupad ng seremonya  sa pagpupugay sa namayapang si Punongbayan.

Ang  QC  ang kauna- unahang LGU na nagtayo ng sariling  DRMM building. -Angie dela Cruz-