Napagkamalang magnanakaw, dedo sa sekyu
MANILA, Philippines - Hindi na umabot ng buhay sa ospital ang isang 20-anyos na binata nang ito ay barilin ng isang sekyu matapos mapagkamalan na magnanakaw kahapon sa Quezon City.
Ang nasawi ay kinilalang si Si Jomar Bernardo ng Tomas Morato Avenue.
Naaresto ang suspek si Jayson Aca-Ac, 26, security guard at residente sa Brgy. Pansol sa lungsod.
Sa ulat, bago nangyari ang pamamaril sa biktima dakong alas-4:00 ng madaling-araw sa kahabaan ng Scout Rallos kanto ng Tomas Morato Avenue, Brgy. Sacred Heart ay kasama nito sina Jimwell Aler at John Rey Gumanon at sakay ng tricycle at nag-iikot sa mga establisyimento sa lugar para mamili ng mga gamit na cooking oil na gagamitin para sa pagkain sa poultry.
Napadaan ang tatlo sa may Rubs Rib Bbq. na matatagpuan sa no. 64 Scout Rallos at nakita nila ang dalawang lata ng vegetable oil sa tabi nito na ang isa ay wala ng laman habang ang isa ay halos kalahati ang laman.
Inakala ng tatlo na mga basura na ang mga ito kung kaya’t isinakay sa kanilang tricycle at pinaandar.
Dito ay lumabas ang suspek mula sa establisyemento at pinaputukan ang sasakyan ng tatlo at tinamaan sa likod si Bernardo.
- Latest
