P-Noy: Pinas hindi lulusubin ng China

MANILA, Philippines - Malaki ang paniniwala ni Pangulong Benigno Aquino lll na hindi lulusubin ng China ang Pilipinas dahil lamang sa agawan ng teritoryo sa West Philippine Sea.

Ito ang binigyang-diin ni Pangulong Aquino sa pagdalo nito sa isang forum sa French Institute for International Relations kung saan ay nakasentro ang usapin sa Climate Change at West Philippine Sea dispute.

Ayon kay Pangulong Aquino na wala siyang nakikitang logic para lusubin ng China ang Pilipinas dahil sa nasabing territorial dispute at sakaling giyerahin ang Pilipinas ay walang kalaban-laban.

Positibo ang Pangulo na hindi gagawin ng China bagkus ay maayos ang sigalot sa pamamagitan ng diplomatikong pamamaraan.

Suportado ng European leaders ang hakbang ng Pilipinas sa usapin ng West Philippine Sea na daananin sa diplomatikong pamamaraan ang paghahanap ng solusyon sa usapin.