Zambales mayor iprinotesta sa Comelec
MANILA, Philippines – Nasa balag ng alanganin ang posisyon ni Mayor Estela Antipolo ng San Antonio, Zambales bunsod ng isinampang protesta ng isa sa kanyang mga kalaban sa pulitika nang ipag-utos ng Commission on Elections (Comelec) ang pagsasagawa ng “recount” sa ilang clustered precincts na ginamit noong May 13, 2013 elections.
Sa walong-pahinang resolusyon na sinulat ni Presiding Commissioner Lucenito Tagle at kinatigan nina Commissioners Robert Lim at Al Pareno, pinagbigyan ng First Division ng Comelec ang petition for certiorari na inihain ng natalong kandidato na si Juan Alvez.
Sina Alvez at Antipolo kasama ang dalawang iba pang kandidato ay tumakbo sa pagka-alkalde ng bayan ng San Antonio noong 2013 polls.
Nanalo si Antipolo taglay ang kabuuang 5,178 votes habang pumangatlo naman si Alvez na may 2,975 votes.
Nagsampa ng election protest si Alvez upang magkaroon ng recount sa 26 clustered precincts.
Ibinasura ni Judge Bocar ang reklamo noong May 31, 2013 dahil sa teknikalidad.
Naghain ito ng motion for reconsideration pero dinismis din noong June 18, 2013 kaya’t napilitan itong magpasaklolo sa Comelec.
Subalit, sa desisyon ng poll body, ipinunto na kung pagbibigyan ang kautusan ng mababang hukuman ay mapagkakaitan umano ng katarungan si Alvez.
- Latest
