Kahera utas sa P.1-M holdap
MANILA, Philippines - Nasawi ang isang 23-anyos na dalagang kahera nang ito ay saksakin matapos pumalag sa isang holdaper na pumasok sa kanilang opisina kamakalawa sa Brgy. Disud, Sindangan, Zamboanga del Norte.
Ang nasawi ay kinilalang si Aiken Adalia, residente ng Dapitan City at kahera sa Gold Digger Credit and Collection Services sa nasabing lugar.
Batay sa ulat, dakong alas-10:50 ng gabi nang pasukin ng nag-iisang suspek ang opisina at agad tinutukan ng patalim ang biktima at sabay deklara ng holdap.
Subalit, nanlaban ang biktima at ayaw ibigay ang P100,000.00 kita ng opisina kung kaya’t sinaksak ito.
Matapos na matangay ang nasabing halaga ng salapi ay tumakas ang suspek na may takip ng damit ang mukha at sumakay ng motorsiklo bilang getaway vehicle patungo sa direksyon sa kahabaan ng national highway sa bayan ng Sindangan.
- Latest
