Pumatay kay Enzo Pastor kilala na
MANILA, Philippines - Inihayag ni Justice Secretary Leila De Lima na kilala na ng National Bureau of Investigations (NBI) ang mga suspek na bumaril at pumatay sa international racing champion na si Ferdinand “Enzo” Pastor.
Ayon kay De Lima hinihintay na lamang niya na ibigay sa kanya ng NBI Death Investigation Unit ang resulta bago niya ihayag sa publiko at tumanggi ito na ibunyag ang pangalan ng mga suspek upang maiwasan na ma-jeopardize ang police operations.
Matatandaang binaril si Pastor ng riding-in- tandem sa panulukan ng Visayas at Congressional Ave. sa Quezon City noong Hunyo 12 kung saan patungo sana ito sa Pampanga para sumali sa car racing sa Clark.
Si Pastor ay nagtamo ng tatlong tama ng bala ng baril sa ulo, batok at kamay.
Si Pastor ang kauna-unahang Filipino na sumali sa NASCAR Whelen Euroseries Open Championship race circuit at nanalo kamakailan sa Asian V8 Racing Championship.
- Latest
