P1-M RTW natangay ng 3 kawatan
MANILA, Philippines - Umaabot sa P1 milyon halaga ng mga sako-sakong ready to wear (RTW) ang natangay ng tatlong kawatan matapos na pasukin ang isang bodega kamakalawa ng gabi sa Pasay City.
Sa salaysay ng sekyu na si Arnel Cue Galela, nasa hustong gulang, hindi na binanggit kung saan nakatira na dakong alas-11:37 ng gabi habang siya ay nagbabantay sa warehouse ng mga RTW sa #119 Cuneta St., at pag-aari ng isang Weihao Wang nang biglang may kumatok sa main gate.
Nang buksan nito ang maliit na pintuan ng maingate ay may biglang bumatok dito hanggang sa tinutukan ng baril ng tatlong suspek.
Iginapos ng tatlong suspek ang mga kamay at paa ng biktima at nilagyan ng packaging tape ang bibig nito at tinakpan ang mga mata at dinala sa madilim na bahagi ng warehouse.
Kinuha ng mga suspek ang sako-sakong RTW at isinakay sa dala nilang sasakyan at mabilis na tumakas tangay din ang service fire arm ng sekyu.
- Latest
