Holdaper patay sa shootout

MANILA, Philippines - Hindi napakinabangan ng isang holdaper ang nakulimbat sa kanyang biniktima matapos na siya ay mapatay ng mga otoridad na rumesponde na naganap kahapon ng umaga sa Malabon City.

Ang nasawing suspek ay kinilalang si Sandil Martin, nasa hustong gulang, residente ng Acero Street, Brgy. Tugatog, ng lungsod.

Sa ulat ng pulisya, alas-5:30 ng umaga ay nakatanggap ng reklamo ang mga pulis na may naganap na holdapan sa nasabing lugar.

Rumesponde ang mga pulis,subalit nagtatakbo ang suspek nang sila ay makita.

Hinabol ng mga otoridad ang suspek sa  pasikot-sikot na mga eskinita hanggang sa makorner ito. 

Sa halip na sumuko ang suspek ay binaril pa nito ang mga otoridad na gumanti ng putok na kung saan ay napatay ang una.